www.Poemas-del-Alma.com
José María Gabriel y Galán
SIBARITA
¡A mà n'ámas me gusta
que dali gustu al cuerpo!
Si yo fuera bien rico,
jacÃa n'ámas eso:
jechalmi güenas siestas
embajo de los fresnos,
jartalmi de gaspachos
con güevos y poleos,
cascalmi güenos fritis
con bolas y pimientos,
mercal un güen caballo,
tenel un jornalero
que to me lo jiciera
pa estalmi yo bien quieto,
andal bien jateao,
jechal cá instanti medio,
fumal de nuevi perras
y andalmi de paseo
lo mesmo que los curas,
lo mesmo que los médicos...
Si yo fuera bien rico,
jacÃa n'ámas eso,
¡que a mà n'ámas me gusta
que dali gustu al cuerpo!